قال ظامي: مَنْ يبِلّ الرِّيْق بَلّ؟
قال رَيَّانْ الْحَشَا: ما لِكْ سبيل
قِلْت: يا رَيَّانْ لا تهْجِر وقِل
هات، أسَيِّلْ لِكْ سَحَابي يا عليل
آه من راعي سَحَابٍ ما يِعِلْ!!
وآه من راعي شِقَا مَا لِهْ خليل
كلّما جَرّيت أنَا لحْني اشْتَعَلْ
في خفوقي بَرْق لكِنْ دون سَيْل!!
المَحَلْ.. يا وَيْل من هاك المَحَلْ
جَرَّدْ الخِضْر الرّبى وامْسَتْ مِحِيْل
والوجَل الله من كِثْر الوجَل
كلّما لَوَّحْ سَرَى بالقَلْب لَيْل
يا مْعَنّى لا تِعَنّى للأمَلْ
الليالي ما بِهَا طَرْفٍ كحيل!
كيف للظامي يبِلّ الرِّيْق بَلْ
قال رَيَّانْ الحَشَا: ما لِكْ سبيل