حِلْمك تحقَّقْ والْفَرَحْ عَمّ

يا شيخنا يا (حاكم دْبَي)

العِزّ لك عساك تسْلَمْ

والشَّعْب متنومِسْ وْ فِيْ غَيّ

عاداتك الأوَّل تقدّم

والبَثّ بِكْ يا سَيِّدي حَيّ

وان كِثْرَتْ الفرسان تَبْسِمْ

على بنات الرِّيْح تَزْهي

بالوصف كَنِّكْ سيف صارم

في حَزّته جازم وماضي

حاكم حكيم وْقايد مْهِم

والخيل من هَيْبَتْك تَسْخي

يا الفارس الشَّهْم المخضرَم

لى في طريق المَجْد تَسْعي

شاعِر أديبْ وْقولك يْتم

وْرَايَتْك بَيْضا وَيْن تَمْشي

بَلَدْك في حِكْمك تنعَّمْ

والشَّعْب بك يفْخَرْ وراضي

لك صفحَة التاريخ تَبْصِمْ

مضْرَبْ مِثَلْ في نَهْضة (دْبَي)

تعيش (بو راشد) وتغْنَمْ

اللّه لك ناصر وْمِعْطي