حَبَّيْتنِي وَالاَّ سمُوّك دفَعْني

سَرَيْت عن عتْم الليالي لنورك

دَقَّيت بابك لَيْن قَلْبِكْ سمَعْني!!

وِتْوَهَّجت روحك بصادِق شعورك

اسْتَقْبَلِكْ حَظِّي وْقام وْرفَعْني

ما هو على كَيْفي وَلا هو بشَوْرِك

بامَانَةْ اللى جَابِكْ وْبِك جمَعْني

لين الخلايا أعْلَنَت عن نشورك

لين اتِّفَقْ عَقْلي وْقَلْبٍ وجَعْني

دَقَّاتِه بْصَدْري بساعَة حضورك

لين أعْلِنَت مَنْ هو ومَنْ كان مَعْني

إصْعَدْ عَلَى عَرْشي تِبَاهى بدورِك

اخْذ الوثايق كِلّها وانْتِزِعْني

في ساعة المَوْعِدْ ولحظة مرورك

إغْفَى هنا وان جِيْت أصَحِّيْك طِعْني

عواطفي تِظْمَا نعَيْمك وجَوْرِك

بيني وبينك لا تهَيَّيْت دَعْني

أرَاهِنِكْ واكْسب رضَاك وْغرورك

أبى حَنَانِكْ لى غِرِقْت إتِّسِعْني

وانا اتجَلَّى في خفاك وْجهورك