أسْرَيْت يا ساري غزا الصبح راسِكْ
والهَمّ ما جاوَرْك والشوق ما زال
والناس يا ساري غدَتْ هوب ناسِكْ!
البَعْض ما صافاك والبَعْض رَحَّال!!
وما كِلّ من باسِكْ عَلَى الراس باسِك!
يَامَا شبيه رْجَال بَيَّاعْ بِرْيَالْ!
يَامَا سرَيْت وْزايد الشوق فاسِكْ
لا ما حطَبْت إلاَّ مواجِعْ وغِرْبَالْ!
كِلٍ تخَلَّى وانْت يا صَاحْ ماسِكْ
قابِضْ على جَمْر الغضا عِزّ واجْلال
واقِفْ بباب الرِّيْح زاهِدْ وْنَاسِكْ
تَمْلِكْ من الدنيا شَرَفْ يَسْتِرْ الْحَال