أنْفَاسْ العطر

باحساس خِذْني يا نَبِعْ أعْذَبْ إحْسَاسْ

خَلْني أعِيْش العمْر لَذّة غَرَامِكْ

 

دام العِطِرْ ماخِذْ من أنسامك أنفاس

باتْنَفَسِّكْ بالحبّ واسْكِنْ هيَامك

 

كان البشَرْ ما تعْرِفْ اشْ مِيْزَةْ الماس

تشوف بَرْقِكْ لا سطَعْ من لثامِكْ

 

كالوَرْد والنسمه إذا قِلْت حَسَّاسْ

بالوِدّ والبَسْمه تعيش احْترامك

 

وَصْفِكْ طَغَى عَ الوَصْف من غَيْر حِرّاس

مِتْفَرِّدْ بْعَرْش الحِسِنْ بابتسامك

 

لو كِل شَيّ يْقاس بِحْدود مِقْياس

ما حَيَّرْ التفكير قوس انقسامك

 

مَفْرود مِتْثـَنِّيْ وضامر وْمَيّاس

مَلْمَسْ حريري يِنْحِدِرْ من قوامك

 

من ساس طِيْبِكْ فِيْك يا طَيِّبْ السَّاسْ

إعْزِفْ سَلامي وآنا باعْزِفْ سلامك!

 

في مِجْمَلْ العالَم ومن مجْمَعْ الناس

بَرْوَزْتِكْ بْقَلْبي وْحِبّي وسامِك

 

ومن ناحية قَدْرِكْ على العين والراس

دايم مقامي يفتخِر في مقامك

 

سِرْب الغلا يَرْسِمْ لِكْ الحبّ نبراس

وسِرْب الوَلا يشكِر عظيم التزامِك

 

ما ظَنِّتي ألْقى عِقُبْ شوفك الياس

والشوق من خَلْفِكْ وْحِبّي أمامك!!