سياستك عَوْيه وما هي على شَيّ
يا (الشاعر الشَّعْبي) غدا وَصْلِكْ أحْلام!
أمسات تَكْسِرْ بَيْت وِتْخَرْبِطْ شْوَيّ
واليوم يا الشاعر تكَسِّرْ لك أقْلام!
ما فِيْه داعي نَجْلِبْ السالفه غَيّ
لا تستوي (خِبْله) وْلا تْسَوِّيْ أفْلام!
عَدِّلْ على عقلك واذا تجلبه فَيّ
الشَّمْس ما تسْفِر على عالَم نْيام!
والاَّ أنا فْـ صِغْري وفي حَضْرَةْ (دْبَيّ)
عَدَّيْت في الشيخ (الفَلاسي) من أعْوام
تكريم اْلِمْعَزِّبْ إلى اليوم لي ضَيّ
يزيدني تشريف وِيْزيدني نْظَام!
الشِّعْر يا مَغْرور له رَسْمه وْكَي
والاَّ مثيلك يَكْتِبْ أحْلامه أرْقَام!
والاّ سموّ الشِّعْر ما هوب يعطي.
المِفْلِسْ اللى يحمل فْـ عَقْله أوْهَامْ
الحِلْم يبغي له إذا يِيْت تبني
بَعْض التواضِعْ والتحَدِّي والإقدام!
هذا وبَعْض الناس ما تدري بْشَيّ
لى حِلْمِهْ العَرْقوب ما يَبْني أهْرام!!