يا ما اكْذَبْ الناس ما احْسَدْهم وما احْقَدْهم
يا جِيْرِةْ الله يوم آعِدّ في بالي
ما اكْثـَرْ حَكِيْهُمْ ويَا قِلَّةْ فوايدهم
تضيق تحتاج لا أوَّلْ ولا تالي
أنا بجوفي لهايب من وقايدهم
لو تِنْخِمِدْ ما طفَتْ من صدري البالي
عجَزْت أصَدِّقْ حكاياهم واكَذِّبْهم
وَكَّلْتِكْ الله انْت الخالق الوالي
ما يَنْظرون لْخطاهم من نقايدهم
عَرَّوْا بَعَضْهم بقَذْف وْهول الاهوالي
يسلون في رغبة الشيطان عَوَّدْهم
نَعَمْ يَصَلّون وِيْصومون في الخالي!
شيطانهم فاز فيهم لين جَنَّدْهم!!
الموعظه ما لَهَا عَ العقل مِدْخَالي
لو مَرَّتْ الآخره تَعْرِضْ مشاهِدْهم
في يوم فِيْه الحساب وْجَمْع الاحصالي
أنا انْزِلَتْ دَمْعتي من يوم مَوْعِدْهُمْ
يا رَبّ لطفك وْعَفْوك يَصْلِحْ الحالي
يا الله تثـَبِّتْ خطاهم لين تَرْشِدْهُمْ
وِتْدّلهم للصواب بْنورك الجالي