عهد الوفاء

ما مَرّك الشوق والاّ جاك مَنْدوبه

في غَفْلَةْ الناس والاَّ بْهَجْعَةْ النايم

بي تنتشي فَرْحةٍ مِ الرَّبْ مَكْتوبه

لى مَرّ طيفك خيال وْعَانَدْ اللايم !

أهْلاً وسَهْلاً لزيمٍ طالَت دْروبه

إي والله انّي على عَهْد الوفا دايم

يا خِذْني المَدّ لَى مرْسَاكْ بِاعْجوبه

كَنّ التوافيق طَيْرٍ بالفضا حايم

آخِذْ مدارك بهَمْس الشِّعْر واذوبه

وانْثِر رذَاذْ القوافي والسما غايم

لِبَسْت عَشـْقَتْك لِبْس المِحْرِمْ لْثـَوْبه

وْعَفَّيْت عَنْ غَيْر وِدَِّكْ عَفَّةْ الصَّايِمْ

عزّاه عَيّا البَخَتْ ما نال مَطْلوبه

والقَلْب عَنْ غَيْر مَا قِدْ بِهْ لجا شَايِمْ

يا شِيْن سَهْم النيَا لى بانَتْ عْطوبه

لو قِلْت باخْفي طعونه ماني بْرَايِمْ

الله لا يكْرِمْ الحِسَّادْ بالتوبه

يسعون بِخْلاف لا شاري وْلا سَايِمْ