ضَي (دبي)

هذا الْفَرَحْ يَا (دْبَي) يَرْسِلْ لنَا ضَي

واجْمَلْ خبَرْ هَاليوم يحْمِلْ ضياها

الحمد لِكْ يا رَب يا خَالِقْ الحَي

على سلامة شَيْختي من سواها

يَا أمّ الشيوخ (دْبَيِّنَا) ما لها زي

كَنْهَا عروس تْزَيِّنَتْ في مساها

كَنْهَا بدونك فاقده بِالْحَلا شَي

ولا من ظَهَرْتي زاد ضَيِّكْ حَلاها

يَاللى بِإيْدِكْ يلتقي النور والفَي

والدنيا باسْمِكْ دوم تَنْثِرْ شذاها

الطِّيْب طِيْبِكْ لِلْبشَر غَيْثٍ وْرَي

والخير شمسك والْفَرَحْ في سَنَاها

إن قالوا اسْمِكْ قِلْت يا حَي يا حَي

يا حَي دارٍ فِيْك تلقى هَنَاهَا

(دبي) هِنْد وْهِنْد بَاوْصِفْ بها (دْبَي)

خَذْتي الْغَلا يا شَيْختي مِنْ غَلاها