سَلاَمِتِكْ يا اللّى لِكْ الْمَجْد يِنْصَاعْ

يا أمّ الشيوخ اللّى تَعَلَّتْ عَلَى (الْيَاهْ)

لو الْمَرَضْ له سوق يِشْرَى وْيِنْبَاعْ

إن كان بالأرواح عَنِّكْ شرَيْنَاهْ

حَرَمْ سمو الْمَجْد يا أمّّ (فَزَّاعْ)

قومٍ كَرَمْهم فَيْض ما نِلْحَقْ أقْصَاهْ

أمّّ المكارِمْ والمعالي بالاِجْمَاعْ

لِكْ صَوَّتْ التاريخ وِقْلوبنا وْيَاهْ

العِز في حَضْرَةْ سموِّكْ سما وْشَاعْ

وانا اشْهَدْ إنِّكْ يا سَنَا العِز أعْلاه

يا أطْيَبْ أمٍ ضَمَّتْ جْروح وَاوْجَاعْ

حِزْن الكسير وْلاهِبْ الْهَم يِصْلاه

دِمْتي يا رَمْز الجود في كِل مِطْلاع

سحابةٍ تَهْمِلْ عَطَا ما لَهَا أشْبَاه

المَجْد لِكْ يا شيخة المجد يِنْصاع

لِلّى شَرَاتِكْ واصْبَحْ المَجْد يِنْصَاهْ