عيون الدار

تستاهلين السلامه وتستحِق الدار..

سلامتك يا اغْلَى قلب انقال له ماجور

تَدْرين شِـ اللى فْـ غِيَابِكْ يا (ام راشد) صار؟

ضاقت بنا قْلوبنا وضاقت علينا الدُّوْر

من أوَّلْ (دْبَي) لاخرها عليك تْغَار..

من لَمْسَةْ الْوَرْد والاَّ عِطْره المَنْثور

هذا غَلا (دْبَي).. كيف بْأهْلَهَا الاخيار

واسْمِكْ على جْدار حِب قْلوبهم مَحْفور

والله لو خَيِّرَوْا مُلْك الْغَلا ما اختار..

غَيْرِكْ مليكه لعَرْش الحِب يا ام النور

حَتَّى الوفا نَصَّبْ اسْمِكْ لِلْوفا تِذْكار

والجود حِنَّا يِمِيْنِكْ لى بها مَذْكور

انتي لدارك سما وْبَدْر وْسَنَا وامطار

وانت فْـ عِيُوْن أهل دَارِكْ حِبّها المأثور

تِسْتَقْبِلِكْ مِنْ غَلاها بارْوَعْ الأشْعَار

وْيِتْحَوَّلْ تْرَابها من خِطْوِتِكْ بَلُّوْر

سَلامِتِكْ يا ضِيَا الدار وْعِيُوْن الدا

ويا الله عسَى دِنْيِتِكْ فَرْح وْهَنَا وِسْرور

ر

يا شَيْختي (هِنْد) تدري فْـ رَجْعِتِكْ وِشْ صار؟

من فَرْحَةْ قْلوبنا كَنّ القلوب طْيور