لِكْ الأجِرْ والعافيه وْفَرْحَةْ الدار

يا امّ الشيوخ أهْل الْكَرَمْ والشَّهَامه

سِتْر الشِّفِيْف الْمِسْتِعِفّ وْذَرَى الْجَارْ

وامّ اليتيم اللى عَنَا الْيِتْم ضَامه

غَيْبَتْك عَنَّا غَيِّبَتْ ضَيّ الابْصَارْ

خَيَّمْ عَلَيْنَا الحِزْن وارْخَى لِثـَامه

قِمْنَا انْتِنَشَّدْ كِل من يَا وْ من سَارْ

يا الله تهَيِّيْ لِلْبِشَايِرْ عَلامه

يَلَيْن وِصْلَتْنَا البشايِرْ والاخْبَار

إنِّكْ بفَضْل الله بخَيْر وْسَلامه

ْ

النَّاسْ تَدْعِيْ لِكْ مِنْ كْبَارْ وِصْغَارْ

والْبَعْض تَمَّمْ لِلنِّذُوْر بْصِيَامه

وْصِرْنَا انْتِرَيَّا رَدِّتِكْ عِقْب الاسْفَارْ

مِثـْل الْعِطَاشَى تِحْت ظِل الغمامه

يا نَوْر (دار الحَي) وام ابْنِهَا البار

اللى تعَلَّتْ بِالفَخَرْ مِنْ مقامه

وِلِيّ عَهْد (دْبَي) نِبْرَاسْ الاشْعَار

(حَمْدان) لَى فِعْله يوَثـِّقْ كَلامه

الله يدِيْمِهْ لِكْ وْيِحْفَظْه لِلدَّار

والله يرِدِّكْ لِلْوطَن بِالسَّلامه