نَبْع الطِّيْب

خِطَاكْ الشَّر يا أغْلىَ البشَر واطْيَبْ قلوب الناس

خِطَاكْ الشَّر يا أمّّ الشيوخ وْنورنا في (دْبَي)

قلوب الناس يا (هِنْد) الْغَلا تدْعي بكل احساس

عسَى رَبِّي يدِيْمِكْ للوطَن وِلْــ أهل دار الحَي

نحِبِّكْ والْغَلا والحب لو له حِسْبه وْمِقْيَاس

نقيسه بالعطا وافْضَالِكْ اللى ما حصَرْهَا شَي

نسوم أرْوَاحنا فَدْوه لــ(بو راشد) عريب الساس

وْلِكْ يا من في قَلْب وعمْر (بو راشد) شموس وْفَي

يا (هِنْد) الحب يا (امْ راشد) وْنَبْع الطِّيْب والإحْسَاس

تهَلِّي بْشَوْفِتِكْ دَارِكْ وتلبَسْ لِكْ ثياب الغَي

ْ

ترابٍ دَاسته رِجْلِكْ تحَوَّلْ من غَلاك ألْمَاسْ

وْصَحْرَا مَرّها غَيْمِكْ رواها من حَنَانِكْ رَي

لأنـِّكْ بَهْجَةْ الدنيا وْلِعْيون الْفـَرَحْ نِبْراس

دعينا الواحد الباري يدِيْمِكْ يا غَلا كِل حَي

رفَعْنا كْفوفنا وِقْلوبنا تْرَدِّدْ صدى: (لا بَاسْ)

وْدَعْوَتْنَا الوحيده: يا عسَى دِنْيَاكْ فَرْح وْضَي