نَهَارِكْ وَرْد يا صبح المشاعر

حداني الوَجْد أكْتِبْ لك واجاهِرْ

مدينة عِشْقي وْطَلَّةْ شعوري

دعاء الحب في طِهْر الْمَنَابِرْ

(إمارات) الْغَلا لو ما كتَبْتِكْ

لقيت الْحَرْف يَخْلِقْ لي محابِرْ

بَلَدْ لو مَرَّتْ الشَّمْس بْمداها

رمَتْ فِيْهَا ضِيَا للشَّوْف ساحِرْ

يا أمّي ما عَرَفْت أمّي بدوْنِكْ

كأنّي شِفْتَهَا بْعَيْنِكْ تسافِرْ

يا أمّي كانَتْ أمّي اللى رْضَعَتْني

تعَلِّقْ صَوْرِتِكْ بين النواظِرْ

ربَيْنَا كانت عْيونِكْ عَلَيْنَا

كبَرْنَا صارَتْ أرجائِكْ محاجِرْ

واذا غٍبْنَا عن أجوائِكْ شقينا

وْنِرْجَعْ لِكْ وْتِرْتَاحْ الخواطِرْ

سَبِعْ دانات كانت بِيْد (زايد)

وصار القلب عَ الوحْدِهْ يثابر

وْصَارَتْ في يد النَّشْمي (خِلِيْفِهْ)

أبونا اللى نحِبّه حِب طاهِرْ

بلادي نَقْشَةْ الْحِنّا بكَفّي

رسَمْها للزمان إحْسَاسْ شَاعِرْ