أرْبِعِيْن وْكِلَّها بالخير هَلَّتْ
وِوْصِلَتْ فِيْنا إلى مَا العين شَافَتْ
أرْبِعِيْن طْوَالْ لا كَلَّتْ لاَ مَلَّتْ
لين مَا عَدَّتْ إلى الْعَلْيَا وْنَافَتْ
دَوْلتي يَوْمٍ بِدَنْيَاها تِجَلَّتْ
بالْعَزِمْ والجد وِقْلوبٍ تِصَافَتْ
باتِّجَاهات الفضا ما عاد ضَلَّتْ
مَوْطِنْ الوحده ولا مِ الْغَيْر خَافَتْ
كانت بْــ(زَايِدْ) سَنَا وِمْزون هَلَّتْ
وِبْــ(خِلِيْفِهْ) مَجْدها بالخير لافَتْ
شِفْ مدَايِنْهَا جميلاتٍ تحَلَّتْ
وِلْحروف الغِلّ والأحْقَادْ نافَتْ
هي إماراتي بعين النور دَلَّتْ
يوم نور أمْثـَالها مولود خَافِتْ
صانها رَبِّي بعَيْنٍ ما توَلَّتْ
عَنْ بِلاَدٍ ناسها بْذِكْره تهافت