روح الشَّمْس

كلّما لاح فِيْ هالليل هاك السراج

مَرّ بِيْ من سلام الروح نَجْمٍ يلوح

وْكلّما هَب في هاللَّيْل رِيْحٍ عَجَاج

قِلْت يا رِيْح وين اللى يداوي الجروح؟

ْ

طاب هذا المسَا يا لَيْل والحِس هاج

والليالي غرام اللى قصيده سروح

يا منادي عيون الشِّعر كيف العلاج؟

والقصايد عن الْمَشْروح عَيَّتْ تبوح

يا منادي صباحِكْ قُوْم غَرِّدْ وْنَاجْ

قُوْم ناجي صباحٍ لاح بين السيوح

لا تبيع النهار بْلَيْل... شُوْف الْفِجَاج

ضَاحِكَاتٍ لنور الشمس والشَّمْس روح

ْ

يا معَنَّى تَرَى ما لِلْكَلامْ احتياج

ما يبَدِّدْ ظلام الليل مِثـْل الطموح

لا تسَلِّمْ لمن هو عاش عَيْش النِّعَاج

عِيْش مِثـْل الرجال الصِّيْد عِز وْوضوح

ْ

لا ترَدِّدْ كَلامْ اللى شَرَابه هَمَاج

ولا تعاشِرْ مِثِلْ من هو سَرَابٍ يلوح

ْ