كسر وجبر

لا تَمنّي قلبي بْغير الوصال

كل شيٍ ٍ دون وَصْلِك ما يسِرْ

وْلا تقول إصْبِر على حِلْم وْخَيال

الجِسِم ما عاد يِتْحَمَّل عِسِرْ

ظامي لْشوفك وَلا يَرْويه لال

غيبتك تكْسِر وطلاّتك وَسِرْ

وْكِلْمِتِكْ في مسمعي نَبْعٍ زلال

وْصَمْتِكْ يْمَدِّدْ لآلامي جِسِرْ

وان سمَعْتِكْ تنْدَه بْكلْمَة (تَعَالْ)

حامَتْ أشواقي مِثِل حَوْم النِّسِر

يا معَلِّقني على حَبْل المنال

لا تخَلِّيني على الماضي حَسِرْ

كل ذكرى من غرامك لا تزال

هاجسٍ ماسور في نفسي أسِرْ

كلّ دَمْعٍ من دموع الحبّ سال

في نظَرْ عيني بتلقى له فَسِرْ