غياهيب

سلام يا نَجْمٍ فِتَحْ للشِّعر باب

يا نور يَجْلي حالكات الغياهيب

يا من لفِعْل الخير والمجد طَلاَّبْ

يا مْهَذِّبْ مْهَارْ المعاني تهَذِّيْب

لِكْ في الشِّعِرْ كلْمه وْلِكْ يِحْسَبْ حْسَاب

ما تَنْزِلْ إلاَّ النايفات المراقيب

شِعْرِكْ عريبٍ عَذْب وِيْنَالْ الاعجاب

راقي المعاني ما تشوبه عذاريب

شِعْرِكْ نشيدٍ للوطَنْ حِبْ يِنْسَاب

يَشْدو بلحنه للوطَنْ والمعازيب

شِعْرِكْ مطَرْ يَرْوي ظما قْلوب الاحباب

هَتَّانْ كَنِّهْ هاملات السحاحِيْب

شِعْرِكْ جواهر رَصَّعَتْ تِلْع اْلَرْقَابْ

حَتَّى تلالات في نحور الغراشيب

بِكْ نِحْتِفِلْ وِ(دْبَي) كِلْ مَا بها طاب

تَتْوِيْجكم مَجْدٍ وْقَدْر وْمواجيب

الشِّعر يزهى بِكْ وْتَزْهَاكْ الالقاب

الشاهِدْ الله ما بها زَيْفٍ وْرَيْب

سَلام مِنْ (زَعْبِيْل) يا نَسْل الانجاب

يلفيك يا مِجْلي دياجي الغياهيب