كراسي.. طاولات.. وْصَمْت
سكون يْبعْثِر احساسي
مدينه ترتكِبْني كَبْت
وْتِحَاسِبْني على ياسي
من اللي ضَيَّعِكْ يا وَقْت؟
أنا والاّ زمَنْ ناسي؟!
حبيبي والليالي سبْت
متى تِحْنى على قاسي؟
نذَرْتِكْ للحنايا وْنِلتْ:
فَرَاغٍ يشْرِبِه كاسي
وِشْ اللى غَيِّرِك يا بَخْت؟!
خريف وْتِشْبَهِكْ ناسي!
أنا للمَصْلحه ما لِنْت
(أموت وْمِرْتِفِعْ راسي)
وعلى وَعْدي أنا ما زِلْت
طموحي يَسْبِق احداسي
إذا الدمعه تِزِيدك نحْت
تجَسِّد ثورة أنفاسي
صدى.. هَمْس.. وْكلام.. وْصَمْت
وِشْ اللي بَعْثَرْ احساسي؟!