في رثاء والدي المرحوم خلفان خميس العميمي

يا مال لا والله على لى يوَدِّيْك

ليتك تعود اللى ذهابه خساره

لاشْرِيْك وابِيْعِكْ وأتْلِفْك وافْنِيْك

وعن لا ذهاب اللى مداسه زباره

تيْبَسْ يميني كلما مَر طاريك

والله بَعْدِكْ شَي ما هو خساره

لو تِنْفِدَى الارواح يا بوي نفديك

لكن حكم الله علينا اصطباره

نصبر ونحسب رايتكْ عِنْد باريك

ونلقاك بالفردوس يا هي بشاره

ويا شاربي لا عاش من لا يخاويك

على سلوم المرجله والجساره

مَرْحوم من رَبَّاك وارْوَى مراويك

ودسَّمْك كِلٍّكْ من جمايل يساره