حكاية عِشْق

الظروف اللى أمرّ اليوم فيها

أصْعَبْ ظْروفٍ على الإنسان مَرَّتْ

خاليه دِنْيَايْ وِتْقَلِّبْ يديها!!

تبكي نْفوسٍ حقَايِقْهَا تَعَرَّتْ

أذْكِرْ الأيَّامْ واتْحَسَّفْ عَلَيْهَا

ذِكْرِيَاتٍ بَعْدَهَا الآهات جَرَّتْ

من رحَلْت وْدِنّيتي ما عِدْت أبَيْهَا

وْلا هِنَتْ في يوم نَفْسي واسْتقَرَّتْ

أشتكي هالحال من نفسي واليها

من سحابة هَمّ عَ دَرْبي اسْتِمَرَّتْ

لي أماني كْثَارْ من هو يَشْتِرِيْهَا

مِنّها نَفْسي بَعَدْ حِزْني تبَرَّتْ

ولي حكايَةْ عِشْق أتْرِكْهَا واجيها

من سبَبْها دْموع عَ الوجنات خَرَّتْ

والمراسيل التي كِنْت أحْتِرِيْهَا

خَلّفَتْ أخْبَارْ ما قِدْ يوم سَرَّتْ

كيف أقْنِعْ نَفْس تَتْرِك من نِسِيْهَا

وكيف أصَبِّرْ روح عَ شَخْصِهْ تضَرَّتْ

والظروف اللى أعيش اليوم فيها

ما أظن بْيوم عَ الإنسان مَرَّتْ