الباب والسور

مِنْك ما تكفيني الصوره

يُوْد بالمَعْروف وِتْقَرَّبْ

كيف بَيْعَبِّرْ لِكْ شْعوره

قَلْب من تحنانك مْشَرَّبْ

صِغْت بِكْ تعبير وِسْطوره

وَصْف حبّ وْحَرْفه مْعَرَّبْ

لا.. وْ لِكْ اْلاَشْواق مَحْصوره

باعْتِرِفْ لو كِنْت انا اتْهَرَّبْ

مِفْتِسِرْ فَصْله وْدستوره

حال حبّ وْقَلْبي مْجَرَّبْ

دَرْب قَلْب وْبابه وْسوره

لِكْ وْعَنْ باقِيْنِكْ مْخَرَّبْ

عقْب هذا شوف لي شوره

لا تخَلّي قلبي مْغَرَّبْ