معاناة

يضيق وِسْع الكون لا ضاق صَدْرِكْ

واحِسّ كوني ما بقى به معاني

أسِلّ سَيْفي واذْبَحْ إحْسَاسْ شِعْرِكْ

واشوف شِعْري عاجِزٍ في مكاني

والله لولا روح حِبّك وْقَدْرِكْ!!

أنّي لاعاف الكون واهْجِرْ زماني

أباسْألِكْ يا (قَلْب) هو إيش عِذْرِكْ

أرجوك يا قَلْبي تجاوِبْ عَشَاني

يَرْضِيْك هذا الحال يومه يِهَجْرِكْ؟

عَشَانْ زَلّه وِفْرِطَتْ من لساني

وِيْضِيْع عمرك.. ما اتّهنى بعمْرِكْ..

وتبقى تعاني مثل ماني أعَاني

يا قَلْب لو تسْمَعْ بغَدْرِكْ لغَدْرِكْ..

أكون في صَفّه.. وْضِدّك تراني

عَلّمتني اْلِعْنَادْ من يوم صِغْرِكْ..

واليوم في دربه زماني رماني!!

خَسْران يا قَلْبي وانا اللي باذَكْرِكْ..

ان التكبّر يجعلك شخص ثاني!

أدري بترْجَعْ لي وباجْبِرْ بكَسْرِكْ..

واسْهَرْ أواسي جرحك اللي كواني

ما عاش من هو يا حبيبي يكَدْرِكْ.

وْقَلْبي أنا ما ابِيْه دامه أناني

لو يزْعَلْ إحْسَاسِكْ أو يْضِيْق صَدْرِكْ

أحِسّ كوني ما بقى به معاني