الهديّة الأجْمَلْ

كيف تهدي وانت لي أجْمَلْ هديّه..؟

ساقها الرحمن حَقَّقْ لي منايا

يا شذى نسمات لوردٍ ندِيّه

أنْت لى مثلك تقدَّمْ له الهدايا

ولو أجود بْكِلّ ما تملك يديّه

والعمر والروح أوهبهن عطايا

ما باوفّي قَدْر مَعْروفك عَلَيّه

يوم شِفْتِكْ وِضْحِكَت ذِيْك الثنايا

فِيْك فتنه.. فِيْك معنى الجاذبيّه

اختصَرْت الحِسْن في نِعَّسْ دعايا

عَذْبه الكلْمَات بِشْفاتك شِجِيّه

يا بخَتْها داعبَتْ غَضّ الشفايا

لا تكَلَّمْ، أشِّرْ بْرِمْشِكْ شويّه

بَسْ تدلَّلْ يا بَعَدْ كل البرايا

فانْت فَجْري وَانْت شمسي.. إنْت فَيّه

في عيونك عمري الثاني تهايا

وانْت نَبْض القلب ريحانه وْرَيّه

زَيّنِكْ رَبّي بحَسْنات السجايا

حتى عيبك صار لك أجْمَلْ مزِيّه

ثَرْ عيون القَلْب ما تَنْظِرْ خطايا..!

يا أمير الحِسْن.. يا تاجه وزِيّه

يا عبير الليل.. يا سِيْد المهايا

أشْهَد أن الروح في قِرْبك هنيّه

لا تبعِّد تَرِّثْ بْحَالي شقايا