الحبّ لوعات وْمتاهات واخطار

لكنّ ما شَي عَنْه رَدّه وْتوبه

أسْفِر مَعه لو طَوّلَتْ مَعْه الاسفار

روحي على تَبْع الدروب مْغَصوبه

أفكار تسْرَحْ بي وتضوي بي أفكار

أفْرَحْ بنوبه واشْرَبْ الهَمّ نوبه

من بَعْد ما غَارَتْ تصاريف الاقدار

ذِقْنَا من أسْرَار الليالي عجوبه

وش يَجْبِرْ عْيوني على عِتْبَةْ الدار

من بَعْد ما تَرْف الصبا رَوّحوا به

هناك يَرْقِبْني على شوف الانظار

وانا هنا والعين والفِكْر صوبه

تبقى المحبّه والمشاعر والاسرار

ما هَزَّهَا ريح الزمان وْهبوبه

قلبي لك أوْسَعْ من محيطات واقفار

لكنّ عِذَّالْ الهوى ما دروا به

حِفْظ الهوى وِمْشَارَهْ الناس الاخيار

طَبْع الخفوق وْوَاحِدٍ من عيوبه!