يا حــامــل التــابوت بـالـذمـة!!
أوصــف لـعــايلتـه وش تشمه
مسك الرسول وعنبر اصحابه
والتابعيــــــــن وطيـب الآئمــة؟
ولا تـشـم الـذود .. والنـخــوة
وعــزة أبـوه وتضحـية أُمـــه؟
هـذا عريـس مودّع بـ هـــودج
وأمـيــة ملك للجنة يـئـــــمّه
هـذا شـفيــع القـــوم بآخــرتـه
يــوم الرجل يجحد بـني عمه
عان الضعيف وقال للغاصب:
آنـا ولـد زايــد .. وأخـو شمة
الموت لو يقطع طريـق الحقّ
درب الشهادة يخـرش الـهمّـة
والقبر واحـد والأجـــل واحـد
وتـحـرم عـلى جثمـاني الرمة
والقمـة الأعـلى مـن الجـنـــة
لازم أجـيـها مـن علـى قـمــة
ويا معاتب الجنّاز بدريســــه
ودموعه تذوّب طرف كمـــــه
الـي عـلـى كتـفه فـدا حـتفـــه
مسـتقـبلــه فوّح شـذا دمـــه
ما ضـخ (ديــنـاره) لجـل داره
ضـخ الحـياة لـنصـرة الأمـــــة
وشـــرّف بــلاد المسلمــين وردّ
ومن فرحة أرضه حبت تضمه