يا امارات الوفا مدِّي يدينك للسحاب
عانقي آخر سما.. إبني محطات وْمواني
ارتوي من نبـْع ضيـَّـك لو غدى العالم سراب
انحنى ظهر الزمان وْ مـ انحنى ظهر الاماني
ياعظيمه لاطريتك ينفتح للشعـْـر باب
ولو اغيب وْلو اهاجر كلِّ شبرٍ بك دعاني
يابلاد السلـْم إسـْـقي الذاكره بـ اجْمل كتاب
اطربيني من تفاصيلك اناشيد وْاغــاني
واجهه للنور إنتي وْمن سأل يلقى جواب
إنك أجمل إنك اطهر إنك إنتي كون ثاني
زايد اللي زاد حسـْـنك.. يرزقه ربي ثواب
ولـْ خليفه قدْر مثله.. والشعـِر يمطر تهاني
شابت حـْـروفي وَمجْدك لا ابد مايوم شاب
ياعروس الكون يا أغلى حبيبه في كياني
لو طمع فيك العدا ارواحنا صارت حراب
وْلو عطشتي.. إشربيني وانبتي بين المحاني
افتخر بك يا اماراتي.. وطيري للسحاب
عانقي أطهر سما.. مدي لإحـْلامي مــواني
شعر: وادرين