ما ولولت والدمع هياجْ

                       وأم الشهيد قوية اراده

اللي قضوا ما هم من الداجْ

                      نرجي لهم جنه وسعاده

ضوو لنا مصباح وسراج

                    ونالوا مع العليا شهاده

نالوا سنام العز حجاج

                   ناموس ودماهم مداده

اللي يخاف الله ترى ناج

                  ومن لا يهاب يذري رماده

زعيمنا ما رَد محتاج

                 مترفقٍ سهلٍ وداده

زعيمنا يمشي بمنهاج

               ومنهاجه من رب العباده

نسل القروم وِرّيثة التاج

                راس النفير يوم الحشاده

بيتٍ تأسس ما هو زجاج

              ولا تسور بعد صك اعتماده

ألفين ما راموا لمزلاج

             مصراع من باس الحداده

ما همنا لو قال رجاج

            مردود قوله واعتقاده

ولا كلمةٍ من ثمْ مجاج

             ذِرْ البَهم عجَّل نفاده

دون الوطن ما قام دراج

            من قام به عدْ لَه عتاده