وضحه

السبت 20 شعبان 1423 هـ الموافق 26 أكتوبر 2002 شعر: فاضل السويدي أنا لا جيت أبروي بك عطش في داخلي وجْراح ألاقي في الحنايا ليل عَيّا ينبلج صبحه خيالٍ لا ضوى جدب المحاني ينتفض مصباح يهيجن بين حبّات الرمل والقمح في لمحه كثير مْن الغلا فيني .. يسوسن لك زهر فَواح ينادي في احتمالاتك بعض ما فاتني شَرْحه واذا منّي تذكرتك تجيني مع طعون رْماح وْ مَعْ هذا أدوّر فيك شيٍ ما انهدَمْ صَرْحه كبيره يا الجروح المبطيه .. عندي قليل أفراح تريدين الفَرَحْ .. لحظه .. بعد ما يندمل جرحه أنا يا آخر جْروحي عجزت فْـ ليلة المرواح أهوّن عَالخفوق اللي يشوف فْـ .. بسمتك ربحه صحيح إن الوَعَدْ كاذب لثامه عن زمانك طاح ولكن كلما شفتك تحفّك نخوتي السمحه رجيتك يا بَعَدْ كل الغلا .. كان الغلا ما راح تجيني في سكون الليل حلمٍ من سنا وضحه

تابعوا فكر وفن من البيان عبر غوغل نيوز