سيح الغريف

السبت 20 شعبان 1423 هـ الموافق 26 أكتوبر 2002 شعر: عايض بن ختروش الكتبي يطيب الجو لى من طاب جَوّه يذكّرني بوقتٍ قِدْ مضى لي زمانٍ مَرّ بايّام الصفوّه على بَدْوٍ ربوا في جو خالي وسط بَرٍ جميلٍ طاب نوّه على (سيح الغريف) اللى طرى لي زمانٍ فيه قَدْرٍ للمخوّه تبادلها رجالٍ مَعْ رجالي تياورنا على طيب وكفوّه زمانٍ ما تعازلنا حلالي تصافينا على درب المروّه يرانٍ.. والردا ما له مجالي إذا جا الليل كلٍ شَبّ ضوّه وْحَطّ بْجَنْبها خْيَار الدلالي ويران البيت يلحقهم ندوّه ونشّوا له بطيبه واحتفالي يمر الوقت شَلاّت وغنوّه وسوالف تحتوي عدل الامثالي تحفّك بينهم طيب وحفوّه ينسّونك همومك بالتسالي أسَلّي خاطري بْهم عنوّه وارد الكف فوق الكف خالي على عصرٍ تميّز بالعفوّه وطيبه ما لها أول وتالي وانا بابيات شِعْري قمت أنوّه واصوّر في خيالي ما جرى لي ببرٍ شَدّني حبّه بقوّه يلازمني فْـ حِل وارتحالي

طباعة Email
تعليقات

تعليقات