تجارة حب

السبت 13 شعبان 1423 هـ الموافق 19 أكتوبر 2002 شعر: بطي الظفري لك اشواقي مع المرسول منّي ولك منّي وداداي واعتذارا على ما دار من ظنّك وظني قطعت الوصل تحسبها شطارا وانا المملوك وانته مالكنّي وانا الشاري طموعٍ واختيارا اخترتك لي وليفٍ مهتونّي تبادلني على نفس العبارا ولكنّك عنودٍ متعبنّي محارب طيب نومي م السهارا حرمت الطيب من أجلك ولانّي أنا ذا اليوم عاكست المدارا على فرقاك يا هن هيّجنّي شدن بالحان في خلو الديارا بلابل ساجعاتٍ صيّحنّي بدمعٍ عَ اليمين و عَ اليسارا عليل الحال بعدك زايدنّي لهيب الشوق وسط اليوف نارا عسى يا زين ترفق بي عسنّي كفاني من تعب طول انتظارا وليعٍ في ودادك مجبرنّي أنا اتريّا رسولك بالبشارا رعاك الله يللي ناسينّي يا ذا المجهول يا سِيْد العذارا أنا ما ابيع يللي مشترنّي عليه أغار من شمس النهارا ومن حلبس دجا ليلك وجنّي عتيم الليل من خلف الستارا ومن بعدك جريب الموت منّي ولي شوفك شفا اجروحٍ غزارا وفي دنيا المحبّه هاجرنّي وْلَفّ الياس في قلبي ودارا وحطّم بحره الهايج سفنّي تجارة حب ضاعت وا خسارا

طباعة Email
تعليقات

تعليقات