نبض

السبت 6 شعبان 1423 هـ الموافق 12 أكتوبر 2002 شعر: توجاد شَدّني أسلوبك الراقي مفردات الشعر ما احلاها ليت من هو عندكم باقي يِسْمَعْ أبياتك وْيقراها لك بيوتٍ غزر واوثاقي في محيط الشعِر معناها والمزامل جَتْك تنساقي والقوافي تبلَغْ مْناها من خوافي صادق أعماقي لاجل شفّك طاب مَسْعاها زادت أشواقي من اشواقي والمشاعر وصْلَتْ أقصاها والجفا ما عاد ينطاقي ونفس يكفيها بما جاها نبض صدري مْن الهجر ضاقي شف ليالي البعد مَقْواها كيف باعرف موعد إشراقي وشمس حبّي وين مضواها شخص حَيّ وْمِنْه لفراقي فرقةٍ في الموت نلقاها

طباعة Email
تعليقات

تعليقات