رجوى القصايد

السبت 6 شعبان 1423 هـ الموافق 12 أكتوبر 2002 شعر: ثاني الأنصاري هلا بك يا بَعَدْ عمري وروحي هلا بك ألف يا مشفي جروحي هلا بك من حبيبٍ فيك مغرم يداري في الهوى شوقٍ فضوحِ عساك بْخير يا رجوى القصايد تعال انْثِر ودادك وسط بوحي تعال أعْبر مسافات المعاني تجملْ واختصِرْ فيني طموحي أنا بْدونك حياةٍ دون معنى وليلٍ تاه عن صبحٍ وضوحِ ودربٍ تتعب الخطوات سيره تمنّيني الأماني ثمْ تشوحي ويوم انّي لقيتك قلت هانت تبسمْ حظي وغنّيت نوحي فلا تبعد ترى مْودّك عيونه تشوف بْك السعاده والمزوحِ ولا تِقْهَر بعادك لو ثواني عليك اللّه يا الريم السروحِ

تابعوا فكر وفن من البيان عبر غوغل نيوز