مهداة إلى صاحب السمو الشيخ زايد بن سلطان آل نهيان رئيس الدوله حفظه الله
ت + ت - الحجم الطبيعي
شعر: سعيد محمد الراشدي جتني القصيده ساعة اسمعت الاخبار قالت اكتبني واهدني صوب زايد قلت ابشري واليوم زينات الافكار من فرحتي حسّيت كلّي قصايد الشعب كلّه صاروا اليوم شِعار كلٍ يعبّر بالفرح في الجرايد فرحه عظيمه لى لها غنّت الدار غنّت وله بالشوق والشوق زايد زايد حبيب الشعب في قْلوبنا صار له يدّعون الله بكل المسايد ربي يصونه من صواديف الاقدار صحه مديمه ما تجيه النّكايد ويطول عمره زود عن كل الاعمار الله يطوله دون عد وعدايد آمين قولوا يا عرب سر وِجْهَار شيخ العَرَبْ في الكون واعز قايد وحن في انتظاره كلنا صْغار وِكْبار الوالد اللي يرتكي للشدايد
