نذير الياس
ت + ت - الحجم الطبيعي
شعر: يعقوب الشامسي يا عذولي في الهوى كُفّ العتاب والله انّك جاهلٍ أو ما دريت تِدّعي صدق المشاعر والصّواب وانت خالي لا عشقت وْلا هويت إسأل اللي في عذاب الحب ذاب يا ترى ذبت بلهيبه واكتويت؟ أبكي آمالٍ تولّت كالسراب ذكرها يبقى بقلبي ما حييت آه وا حزني على فقد الشباب ما على غالٍ عقب عمري بكيت يا سنينٍ تنقضي مثل السحاب كن عمري غفوةٍ فيها غفيت غادرتني لا سؤال وْلا جواب من عطاها لا قبضت وْلا عطيت وْجَرّعتني في العمر كاس العذاب وكم بغت ذلّي ولكنّي أبيت والمشيب اللّي غزا غزو الذياب كاد لي في حين غِرّه ما هقيت في العوارض شاهر سْيوف وْحِراب يوم داهمني على الصايح صحيت ويوم موّهته سحرني بالخضاب وْحَل في حالي بغير اللي رجيت آتعوّذ مِنْه بالله والكتاب يا نذير الياس في راسي خسيت
