إلى اللقاء

ت + ت - الحجم الطبيعي

شعر: حمد بن خليفه أبوشهاب إلى اللّقا يا نور قلبي وعيني يا نفحةٍ تبري جروحٍ مكامين خَلِّكْ على قلبي حريصٍ أميني يا حافظ أسرار المودّه عن اتبين صبري على فرقاك كثَّرْ ونيني واصبحت بك وامسيت بك حاير امحين ليت الشِِّعِر يشفي لواعج حنيني باكِتبْ من بْيوته لعينك ملايين وليتك بحالات المعنَّى فطيني يا فاتني بتشوف صورتك في العين قِلْ لي مِتَى بتحس بي يا ضنيني يا نفحتي يا وردتي في الرّياحين الوجد فاضْ وخَفّ روز الرّزيني صلبين لكنْ في المحبّه مساكين أخَّرتْ لين اتقدِّمَتْ بي سنيني واقْبَلْت تتبختر عَ راحَتْك يا الزّين ما تَدْري أنّي من ودادك غبيني أشْرَقْ بدمع العين من لاعج البين

Email