شكوى على النفس
ت + ت - الحجم الطبيعي
شعر: محمد بن راشد آل مكتوم أشكي إلى خِـلّـي المجروح من نفسي جَرَحْت قلبه بغلطه غير مقصوده أقولها لك على الولهان لا تقسي ترفّقي به ترى ما غَيّـر اعهوده يا كل عمري ويا بدري ويا شمسي ما اقدر أزعّل أنا لى ترفه اخدوده خِـلّين عَ العهد كنّا نصبح ونمسي والناس دايم على الاخلاص محسوده إن كانه الحب راسخ ثابت الغرسي ما تْـروم غلطه وحيده تنسف اسدوده عندك أماني وحبّـي الصادق وحسّـي وقلبي يلاقي يا عمري قربك اوجوده
