السبت 9 ربيع الاول 1424 هـ الموافق 10 مايو 2003 شعر: عتيق خلفان الكعبي من جلس يحسب مواعيدك ويتمنّى يشوفك مثل من يرمي حَجَرْ في الماي وِيْعِدّ الدواير ضاع عمري بين غلطاتك وتقديري ظروفك والنهايه والله إنّي ما جنيت إلاَّ الخساير انخدعت بطيب كلْمَاتك وغرّتني حلوفك وما دريت إن الغَدِرْ مدفون من تحت الضماير طعْنِتِكْ في القلب صابتني وفي صدري سيوفك والجمر في الكبد وِضْلوعي على نار السعاير بعد ما خَضَّبْت من دمّي ومن جرحي كفوفك يا فضيحه جيتني تنشِدْ تقول إش عاد صاير ما يفيد العذر وَفّرها لاجل نفسك حروفك كاشفك لا ما تجيد اللعب من خلف الستاير يا سحابة صيف ما تمطر ولو حلوه وصوفك القلوب القاسيه شرواك ما تحمِلْ بشاير دام سنّة عادتك تجرح ولا تكرم ضيوفك ما ألومك يوم بالأحباب سَوّيت الكباير