السبت 24 صفر 1424 هـ الموافق 26 ابريل 2003 شعر: أحمد بن صقر العامري كيف المحبّه عندك تْهون من عقب هالعشره الطويله ليش الهجر يا زين وِتْخون والخِلّ ما يخدع خليله يا بو يديلٍ فوق لمتون خلّيت لي روحي عليله الحب له ميزات وِفْنون ما هوب خدعاتٍ وحيله جرح المحبّه كيف بَيْهون يا ليت للسلوى وسيله وانتو على غدري تنوّون انسيتوا العِشْره الجميله خَلّيتني شاجي ومحزون والنار في يوفي شعيله واليوم من ردّيت من دون ما عاد لك تلوى وميله خلاص من حبّك يا مضنون قلبي سكن غيرك بديله