السبت 10صفر 1424 هـ الموافق 12 ابريل 2003 شعر: فاضل السويدي تعبت أدوّر لك عذر كلما اخطيت عافتك نفسي عقب كثر الخطايا كنت أغفر الزلاّت عنّك إذا جيت عادة جروحي منْك صدق النوايا كنت أشربك واظماك واشربك واسقيت مَعَ الرحيق العَذْب سمّك تهايا يا ليتني كنت اختصر حالة الميت ويا ليت كنت فْ.. يوم تصدق معايا من غبت عَنّي والجفن للسهر بيت ما غض لي طرفٍ يشوفك منايا واذا تذكّرت المواصل تمنّيت ألملم جْروحي والاقي دوايا ما يْفيدني منْك الندم لو ترجّيت ما يْفيد لو تلثم ذواري خطايا عهدي عليك اليوم من يوم ما اقفيت سلام يا وقتٍ رميته ورايا