السبت 10صفر 1424 هـ الموافق 12 ابريل 2003 شعر: عزّام سلّمت قلبي لشخصك كنت بك واثق لين اكتشفت انّها من أكْبَرْ أغلاطي الله يا ما اصْعَبْ الغلطه على الحاذق صدمه عظيمه تسبِّبْ هَمّ واحباطي تخفي نوايا الغَدِرْ في وجهك الشارق يا بَحَر ما فيك لا مركب ولا شاطي هذا وانا قبل أعَرْفك أسعِفْ الغارق واشوف نفسي مشيت بْدربك الواطي نجم المحبّه لظى بْجوّ العشق طارق نجمٍ تلاشى وعن جوّي ثَرَهْ خاطي أنا بْدويٍّ فَرَحْ من شوفة البارق حب الحِيا في ضميري دايمٍ ساطي أغرى بي البرق وانا في الأمل عالق والواقع يْحِطّ فوق حْروفي نْقَاطي حلمي تبخَّرْ بواهج غدرك الحارق وترى الوفا ما خِلِقْ في كل الاوساطي أقولها لك وانا متمكّن وواثق إبْعِدْ وفارِقْ أنا ما اكرّر أغلاطي