السبت 26 محرم 1424 هـ الموافق 29 مارس 2003 شعر: سالم بن وحير المري السعودية يقول اللي على حسب اعتقاده على رَبّ المخاليق اعتماده عظيم الشان عالم كل خافي اسبّح له وللّه العباده بَعَدْها يا هواجيس القصايد عطيني فوق مطلوبي زياده من سْمَان القوافي والمعاني حسب قدرة ضميري واجتهاده وانظّمها على غاية مرادي واقدّمها لحكّامٍ وساده على اهل (دبي) باقدِّمْ سلامي سلامٍ ينتشر صافي وداده سلام الله على دارٍ نباها جذبنا بالهداوه والركاده أزفْ أجْمَلْ تحيّات المحبّه خَلَطْها الورد مع مسكه وكاده ومن خمس الدول جينا وْحِنَّا نصينا (دْبَي) كلٍ من بلاده وفود أهل الهجن من كل دِيْره نصوها وكلهم حَصَّلْ مراده مراكيض ونواميس وجوايز وبشرى خير وافراح وسعاده على درّة ميادين الأصايل لقينا ماهقينا به وزاده حماس أهل الشهامه والكرامه يشجِّعْنا وتدفعنا الإشاده وانصّي كلمتي زبن المجنّى حليف الجود صعب الجود جاده بيوت الشِّعر في مدحه تزاحم في ابو راشد قصيد المدح عاده (محمَّد) كل ما عِدَّتْ الاسامي عديم وفي مزاياه انفراده على اهل الخير مذكورٍ جميله وعلى راع القِشَرْ يِقْدَحْ زناده حمل تاج الرجوله فوق متنه خَذْ وْسام الرجوله والشهاده وفي كل الهوايات الأصيله نجح بانجاز والزود استفاده تفوّق في الرمايه والسباحه وزحلٍ في السياده والقياده مع اهل الهجن يملك كل سابق ومع اهل الخيل مشهورٍ جواده ألا ياشيخ يا عِزّ العروبه حبيب الشعب يا ذخره، سناده ورثت الطيب من طيب الأصاله سنام المجد متعلّي شداده على طيبك براهين ودلايل وفعل ذْراع يثبت لك وكاده ولا اقصد من ورا ما قلت سمعه وكسب اهل الوفا راس الإفاده على حاكم على شاعر وناقد أقول البيت واخاف انتقاده كتبت اللى تهيّا والسموحه حصيل الزرع قدّمنا