السبت 19 محرم 1424 هـ الموافق 22 مارس 2003 شعر: حمد الدعيّه ـ دولة قطر لـ (دبي) سافَرْ بي قصيدي والمشاعر والشعور ومن ساع شفت (دبي) جات بْيوت شِعْري مقبلات للعِزّ للناموس للوقفات لطوال الشبور للسيف للتاريخ لخيول القصيد المسرجات يا سيّدي فيك الشِّعِرْ والمدح مختال وفخور جيت أمدحك وانت المدايح والمواقف والصفات الطيب ياخِذْ منْك طيب إلى حصل عنده قصور صحيح وانت اللي علومك كل ابوها طيّبات الله خَلَقْك وجيت نور وزاد نور الكون نور والله وباسم الله سطع نورك على كل الجهات كريم فيك مْن الكَرَمْ ما يشبه الغيث البكور اللي يعمّ الأرض وتزين الديار الممحلات قبلي يقولون الصقور عْيالها تاتي صقور هذا كلام العارفين مْن العصور الغابرات كسبت الاوّل وانت الاوّل وانت الاوّل كل دور يليق بك الاوّل وابوك وْجَدّك أهْل الاوّلات يا سيّدي يا مرسل الفرحه على كل الصدور يا سَيّدي يا (محمَّد المكتوم) شوق المترفات يا سيّدي يا سيّد بْيوت القصايد والحضور لي الشرف لا قلت لك يا سَيّدي عِلْمٍ ثبات يا اكْرَمْ من الماضين والباقين يا الشهم الصبور يا جود حاتم طي واثقل لا اعتزيت مْن السرات يا اوفى من الوافين طبعك للوفا شيخٍ غيور طيبك مثَلْ يضرَبْ تخلّده السنين المقبلات زعيم وان جات الشدايد جيت يا الليث الجسور من طيب راسك تنحني الهامات لك متْسابقات إلى حضرت يْهِبّ ذعذاع الهوا كلّه بخور والى رفعت يْمينك تميل الغصون مْسَلّمَات يا سَيّدي والعصر هذا غير عن كل العصور عصرك يا (بو راشد) عصر وقفات عِزٍ ساميات اسْمك شَرَفْ للشِّعِر والشاعر وقافٍ ما يبور حتى بحور الشِّعر واوزانه تجي متنافسات قَدّ القصايد والزعامه والقياده والظهور كفو يا (بو راشد) وتستاهل بدون مْجَاملات جيتك تسابقني بيوت الشِّعر وِغْزار البحور ما غير انا والشِّعر يبحر بي واصوغ المفردات الشِّعر يسكنّي وانا شاعر قبيله وِمْخَبور وقصايدي يا شيخ في شِعْرك تراها معجبات الشِّعر سافَرْ بي وجيت (دبي) وِطْوال الشبور اللي حموها واعتنوا فيها وْعَزّوها وجات جَنّه وتربتها السعاده والوناسه والسرور نسيمها عِزّه وماها مدح والفزعه نبات يالؤلؤة بحر الخليج إلاَّ بَعَدْ كل البحور يا لؤلؤة هالكون ما قبلك وما بعدك شتات يا سَيّدي شكراً وسامحني وانا والله فخور في اسمك وفي شِعْرك وفي طيبك وفي كل الصفات تستاهل الناموس قَدّ الاوّله في كل دور يليق بك الاوّل وابوك وْجَدّك أهْل الاوّلات