السبت 5 محرم 1424 هـ الموافق 8 مارس 2003 شعر: عتيق بن خلفان الكعبي البطوله جابها (راشد) أخَذْ راية عَلَمْهَا في السباق وعادته ما ياخِذْ إلاّ الاوّليّه شال كاس اللى بلاده ساسها عَدْل وْحكَمْهَا شيخنا (زايد) حبيب الشَّعْب وِعْيون الرعيّه يوم في (سيح السَّلَمْ) خيله على نصره عزَمْهَا واشربت من راحته لين ارتوت بالمقدريّه كل ما وِعْرَتْ دروبه زادها صبر وْهزَمْهَا تنكسِرْ عنده جلاميد الصخر لو هي قويّه رَتَّبْ الخِطّه (محَمّد) والشبل (راشد) فَهَمْهَا ودايم (محمّد) علومه مثل شمس الظهر حَيّه قبل ما خصمه يشوفه أشْهَدْ أنّه قِدْ حسَمْهَا أقْطَعْ مْن السَّيف عَزْم وْأطْهَرْ مْن الغيث نِيّه برق راكب فوق صهوه والمكارم ملتزِمْهَا والتحدّي في جبينه بين روحه و بين جَيّه الشجاعه في عيونه للعدو ناره ضَرَمْهَا وإن لفى راعي النوايا البيض له يثني التحيّه أطْلَسْ العالَمْ وهالدنيا على كفّه رسَمْهَا عارفٍ سِرّ الجهات الأربعه والجاذبيّه (الاندلس) باسمه تِفَاخَرْ ووْقِفَتْ (مصر) وْهَرَمْهَا والعَرَبْ تَشْهَدْ بفعله وكل دوله أجنبيّه قلت (راشد بِنْ محمّد) راية المجد إسْتَلَمْهَا وعصمة أهل المجد ما تعطى سوى راعي الحِميّه