السبت 14 ذو الحجة 1423 هـ الموافق 15 فبراير 2003 شعر: محمد بن مصلح لك تَهْنِيَةْ شاعرٍ بالحيل يشعر بك يحب يذكر فعالك ويتغنّى لك بشَّرتني وانت دنياك إتّبَاشَرْ بك والخير دايم تبارى فاله وفالك المجد مجدك تسطّر به وسطّر بك ترقى وهو يتبع أقدامك ويرقى لك الواجب الخيل والناموس يفخر بك هذي الحقيقه ترى ما يصلح إلاّ لك من هو يقاوي على ممشاك في دربك في مسلكٍ فيه يا فخر العَرَبْ سالك الناس تسمع وعن فعلك تخابر بك وْنِعْم دايم مَعَ طاريك تثنى لك يوم الشهامه بدمّك وتْتَأمَّرْ بك فارس وكل الفروسيّه من خْصالك شايف فعايلْك بِدّ الناس و اخْبَرْ بك وادري المراجل تدرّس منْك وافعالك والشِّعر لك ينحني قافه ويكبَرْ بك وتحلى القوافي إلى تكتب عن أمثالك يا فارس الشِّعر باعلى الصوت واجْهَرْ بك عذب القوافي تحت طوعك تسنَّى لك