السبت 7 ذو الحجة 1423 هـ الموافق 8 فبراير 2003 شعر: سالم الزمر بي غيمةٍ مَرَّتْ على صحرا ظماك ليتك تبل شْفاك من هَتّانها بي غابةٍ من بَرْد تتمنّى دفاك ليتك تشب النار في عِيْدانها ياللي هواك العَفّ من صافي بهاك لا ما تعدّى الروح في غِدْرانها جيتك وانا الحيران بِدْروب الهلاك واهديتني دنيا اهتدى حيرانها واهديتك عْيون الغمام اللي دعاك حتى ازهرت روحك بِعَذْب أشجانها وامست طيور الشوق في عالي سماك مفتونةٍ عزف الشجر ألحانها واصبحت والضحكه يلوّنها حياك أصبحت من روحي هوى قيفانها لك روح مجروحٍ سرى يبغي هناك وين القوافي البيض في كثبانها وين السهر مكتوب ما به من فكاك تحت العيون الناديه أجفانها وين النجوم عْلوم في هاك السِّماك اللي اهتوته الروح في أحزانها وين الليالي نور منثور وهواك شمسٍ ينال البدر من شرطانها لك روح ما جازت بعد لاَحْدٍ سواك مثل السهول المعشبه ريضانها تطرب لمفتون القصيد اللي رواك من مزنةٍ أروتك من هَتّانها