السبت 29 ذو القعدة 1423 هـ الموافق 1 فبراير 2003 شعر: محمد بن عبدالله الخاطري فلّي سواد الليل يا فتنة الحَيّ وتبختري غيظي العذارى بْجَمالك وداوي قلوبٍ مولعه فيك بالكي وْزِيْدي تغلّي منيتي في دلالك وْطِلّي بنحرٍ كن به منبع الضي ما ادري البدر أنتي أو انّه مثالك بالهون خَطّي يا الغلا يوم تمشي لقلوب صارت لك دروب ومسالك تكفين ياروح المعنّى تغضّي نظرات عينك وردّتنا المهالك احترت بك يا قمّة الزين والغي يا من فوادي بالمحبّه سعى لك ويا من جمال الكون خَذْ منّك شْوي ما بَدّهم إلاّ بعض من خصالك تعال بادلنا المحبه ولبّي ندا محبّك وافْعَلْ اللي بدا لك تدري بْحياتي دون شوفتْك لا شَيّ وادري بأنّي في محبّتْك هالك؟!