السبت 1ذو القعدة 1423 هـ الموافق 4 يناير 2003 شعر: سالم بن غدير ثمان سْنين وانتي في خيالي ما انطفى لك نُور وقَلْبي ما نزَع حبّك من أعماقه وَلا زاحه بقيتي مثل ما انتي غاليه لو هيْ السّنين تْدور وكم بِحْت بْودادِك في عيونٍ حَيل نضّاحَه يضِجّ الشوق في صدري وْبراكين الغرام تْثور إذا ما مرّني طيفك في مسراحه ومرواحه شياطين الهوى تلفي وتجرح خاطرٍ مكسور وقلبي لى سكنتي به (فلانه) زادت اجراحه خذَتْ أيامي ايّامي وقضّيت الثواني شْهور كئيب العمر من دونك غدت أفراحه اتراحه غزاني حزني وْهمّيٍ حصرني بين سور وْسور عجز قلبي يقاومها جيوش الشوق نَزّاحه حسبت أنّي أنا بانسى لقيتك كلمةٍ في سْطور إذا ما جيت أبامحيها سمعت لْحِبْرها صْياحه يا ليت اللّي يحاسبني على شوق وْوَلَه وشْعور يعَرْف انّا بها الدنيا سبب (حوّا) وتفّاحه