يا عنيد

السبت 1ذو القعدة 1423 هـ الموافق 4 يناير 2003 شعر: سعيد بن ثاني آل مكتوم من يعاند نفسه بْنَفْسه غير مِن في عَقله إمسَاسه ما يْجَدي بامرٍ يْحِسّه ولا يشوف الأمر من ساسه يا ذهين العِرْف والرمْسه إمْتِثِلْ مِنْ قول رَمّاسه في النفوس نْفوس مِندسّه لك تبَانْ بْزيف عَكّاسه إحْذَرْ اللي ناعمٍ لَمْسه بْزهيّ الثوب كَيّاسه ان ما له أصلٍ يْرِسّه الدني لا تِقْرَبْ إلماسه والحذَرْ من ناقل الهمسه بالشنا لك سَطر أهماسه واعرف اللى عاد بَيْدسّه بالعلوم تْبَان فرّاسه بالوكد باينقل بْخِسّه والزمن لى يثبت إخساسه لا تولّي قودك ودرْسه العقل لابد نبراسه كم عِمِيّ العين مِحْترسه بالبصيره شاف خَلاسّه العمى في القلب يا حمسه من يضيع درب قِدْ داسه لا تذول بْثوبٍ تْخَرْسه في دروب الدون دَنّاسه العزيز بعزّته ونفسه للمعاني رافعٍ راسه