السبت 10 شوال 1423 هـ الموافق 14 ديسمبر 2002 شعر: محمد بن هندي المهيري ليت (بوراشد) درى باللي استوى كان كلٍ مستحيلٍ بايهون حاكمٍ عادل يرد اللى اغتوى راعي الشيمات عَ شعبه حنون وين حق الباديه وارض الخَلا لى باهَلْهُمْ في الخوايع ينزلون يسكنون بْذودهم بين الفلا وان لفاهم ضيفهم به يفرحون عندهم دانات ترفات الصبا هايفات الطرف نعسات العيون المطر لى طاح من يود السما والرعد يللي تحدرْ في المزون يوم دار العقربي فيه التوى تمّت الغدران منها يشربون والمدوّي في تلاياهن ضوى واحلبوا بين الحضاير م اللبون دَرّهن ملقاي لي فيه الشفا والدخاتر لي بوصفه ينعتون